ஆகுபெயர்

சரியான விடையைத் தேர்ந்தெடுத்து எழுதுக. 

1. பொருளின் பெயர் அதன் உறுப்புக்கு ஆகி வருவது ______. 

1. பொருளாகு பெயர் 
2. சினையாகு பெயர் 
3. பண்பாகுபெயர் 
4. இடவாகு பெயர் 

2. இந்த வேலையை முடிக்க ஒரு கை குறைகிறது என்பது ______. 

1. முதலாகு பெயர் 
2. சினையாகு பெயர் 
3. தொழிலாகு பெயர் 
4. பண்பாகுபெயர் 

3. மழை சடசடவெனப் பெய்தது. – இத்தொடரில் அமைந்துள்ளது ______. 

1.  அடுக்குத்தொடர் 
2.  இரட்டைக்கிளவி 
3.  தொழிலாகு பெயர் 
4.  பண்பாகுபெயர் 

4. அடுக்குத் தொடரில் ஒரே சொல் ______ முறை வரை அடுக்கி வரும். 

1. இரண்டு  
2. மூன்று 
3. நான்கு  
4. ஐந்து

குறுவினா

1. ஒரு பெயர்ச்சொல் எப்போது ஆகுபெயர் ஆகும்? 

ஒன்றன் பெயர் அதனைக் குறிக்காமல் அதனோடு தொடர்புடைய வேறு ஒன்றிற்கு ஆகி வருவது ஆகுபெயர் எனப்படும்.

2. இரட்டைக் கிளவி என்பது யாது? சான்று தருக.

இரட்டையாக இணைந்து வந்து பிரித்தால் தனிப்பொருள் தராத சொற்களை இரட்டைக்கிளவி என்பர்.

சிறுவினா 

1. பொருளாகு பெயரையும் சினையாகு பெயரையும் வேறுபடுத்துக. 

• பொருளின் பெயர் சினைக்கு ஆகி வருவது பொருளாகு பெயர் எனப்படும்
• சினையின் பெயர் பொருளுக்கு ஆகி வருவது சினையாகு பெயர் எனப்படும்.

2. இரட்டைக்கிளவி, அடுக்குத்தொடர் - ஒப்பிடுக.

1. இரட்டையாக வந்து பிரித்தால் தனிப்பொருள் தராத சொற்களை இரட்டைக்கிளவி என்பர்.
2. சொற்கள் விரைவு, அச்சம், சினம் போன்ற காரணங்களால் இரண்டு, மூன்று, நான்கு முறை அடுக்கி வருவது அடுக்குத்தொடர் ஆகும்.

கற்பவை கற்றபின்

1. பள்ளி நூலகத்திலிருந்து நூல் ஒன்றை எடுத்துவந்து அந்நூலில் ஆகுபெயர்களாக இடம் பெற்றுள்ள பெயர்ச்சொற்களைத் தொகுக்க.

2. அன்றாடப் பேச்சு வழக்கில் இடம்பெறும் அடுக்குத்தொடர், இரட்டைக்கிளவி ஆகியவற்றைத் தொகுக்க.

கண்ணியமிகு தலைவர்

சரியான விடையைத் தேர்ந்தெடுத்து எழுதுக. 

1. காயிதேமில்லத் _______பண்பிற்கு உதாரணமாகத் திகழ்ந்தார். 

 அ) தண்மை 

 ஆ) எளிமை 

 இ) ஆடம்பரம் 

 ஈ) பெருமை

2. 'காயிதே மில்லத்' என்னும் அரபுச் சொல்லுக்குச் _______ என்பது பொருள். 

 அ) சுற்றுலா வழிகாட்டி 

 ஆ) சமுதாய வழிகாட்டி 

 இ) சிந்தனையாளர் 

 ஈ) சட்ட வல்லுநர் 

3. விடுதலைப் போராட்டத்தின்போது காயிதேமில்லத் _______ இயக்கத்தில் கலந்துகொண்டார்.

 அ) வெள்ளையனே வெளியேறு 

 ஆ) உப்புக் காய்ச்சும் 

 இ) சுதேசி 

 ஈ) ஒத்துழையாமை 

4. காயிதே மில்லத் தமிழ்மொழியை ஆட்சிமொழியாக்க வேண்டும் என்று பேசிய இடம் _______.

அ) சட்டமன்றம் 

ஆ) நாடாளுமன்றம் 

இ) ஊராட்சி மன்றம் 

ஈ) நகர் மன்றம்

5. ’எதிமரொலித்தது’ என்னும் சொல்லைப் பிரித்து எழுதக் கிடைப்பது _______. 

 அ) எதிர் + மரொலித்தது 

 ஆ) எதில் + ஒலித்தது 

 இ) எதிர் + ஒலித்தது 

 ஈ) எதி + ரொலித்தது 

6. முதுமை+மொழி என்பதனைச் சேர்த்தெழுதக் கிடைக்கும் மசொல் _______. 

 அ) முதுமொழி 

 ஆ) முதுமைமொழி 

 இ) முதியமொழி 

 ஈ) முதல்மொழி

குறுவினா

1. விடுதலைப் போராட்டத்தில் காயிதே மில்லத் அவர்களின் பங்கு பற்றி எழுதுக. 

கல்வியை விட நாட்டின் விடுதலையை மேலானது என்று கருதி ஒத்துழையாமை இயக்கப் போராட்டத்தில் பங்கு பெற்றார்

2. காயிதே மில்லத் அவர்கள் தன் குடும்பத்திலும் எளிமையைக் கடைப்பிடித்தார் என்பதற்குச் சான்றாக உள்ள நிகழ்வை எழுதுக.

காயிதே மில்லத் அவர்கள் தனது மகனின் திருமணத்தை எவ்வித ஆடம்பரமும் இல்லாமல் மிக எளிமையாக மணக்கொடை பெறாமல் நடத்தினார்.

சிறுவினா 

 ஆட்சி மொழி பற்றிய காயிதே மில்லத்தின் கருத்தை விளக்குக.

1. இந்தியா விடுதலை பெற்ற பிறகு நாட்டின் ஆட்சி மொழியைத் தேர்ந்தெடுப்பது தொடர்பான கூட்டம் நாடாளுமன்றத்தில் நடைபெற்றது.
2. இந்தக் கூட்டத்தில் பேசிய பலரும் மிகுதியான மக்கள் பேசும் மொழியை ஆட்சி மொழியாக அறிவிக்க வேண்டும் என்றனர்.
3. சிலர், பழமை வாய்ந்த மொழியை ஆட்சி மொழியாக தேர்ந்தெடுக்க வேண்டும் என்று பரிந்துரை செய்தனர்.
4. மிகவும் பழமையான மொழி என்றால் அது தமிழ் மொழிதான்.  மிகவும் இலக்கியச் செறிவு கொண்ட மொழி தமிழ்தான். எனவே தமிழ் மொழியை நாட்டின் ஆட்சி மொழியாக அறிவிக்க வேண்டும் என்று காயிதேமில்லத் குறிப்பிட்டார்.

சிந்தனை வினா  

நீங்கள் ஒரு தலைவராக இருந்தால் எத்தகைய மக்கள் நலப்பணிகளைச் செய்வீர்கள்?

1. ஏழ்மையை ஒழிக்கும் நலத்திட்டங்களை நிறைவேற்றுவேன்.
2. அனைவருக்கும் வேலைவாய்ப்பு கிடைக்கும்படி செய்வேன்
3. அனைவருக்கும் கல்வி திட்டத்தை நடைமுறைப்படுத்துவேன்
4. அனைவருக்கும் சுகாதாரமான குடிநீர் உணவு இருப்பிட வசதிகளை செய்து தருவேன்.
5. சுற்றுச்சூழல் மேம்பாட்டு திட்டங்களில் கவனம் செலுத்துவேன்
6. வனங்களையும் வனவிலங்குகளையும் பாதுகாப்பேன்.
7. பள்ளி வயதுக் குழந்தைகள் அனைவருக்கும் ஊட்டச்சத்து மிக்க உணவுகளை வழங்கிடுவேன்.
8. அனைத்து பள்ளிகளையும் அரசு பள்ளிகளாக மாற்றுவேன்.
9. அனைவருக்கும் வீடு திட்டத்தை நடைமுறைப்படுத்தவேன்
10. ஏழை எளிய மாணவர்களுக்கு கல்வி உதவித்தொகை வழங்கிடுவேன்.

கற்பவை கற்றபின்

எளிமையின் அடையாளமாகத் திகழ்ந்த பிற தலைவர்கள் குறித்து வகுப்பறையில் பேசுக.

மலைப்பொழிவு

சரியான விடையைத் தேர்ந்தெடுத்து எழுதுக. 

1. மனித வாழ்க்கையில் தேவைப்படுவது _________. 

அ) பணம்  

ஆ) பொறுமை 

இ) புகழ் 

ஈ) வீடு

2. சாந்த குணம் உடையவர்கள் _____________ முழுவதையும் பெறுவர்.

அ)புத்தகம் 

ஆ) செல்வம் 

இ) உலகம் 

ஈ) துன்பம்

3. ’மலையளவு’ என்னும் சொல்லைப் பிரித்து எழுதக் கிடைப்பது _________. 

அ) மலை + யளவு  

ஆ) மலை + அளவு 

இ) மலையின் + அளவு 

ஈ) மலையில் + அளவு

4. ’தன்னாடு’ என்னும் சொல்லைப் பிரித்து எழுதக் கிடைப்பது _________. 

அ) தன் + னாடு  

ஆ) தன்மை + னாடு

இ) தன் + நாடு 

ஈ) தன்மை + நாடு

5. இவை + இல்லாது என்பதனைச் சேர்த்தெழுதக் கிடைக்கும் மசொல் __________. 

அ) இவையில்லாது 

ஆ) இவைஇல்லாது 

இ) இவயில்லாது 

ஈ) இவஇல்லாது

பொருத்துக.

1. சாந்தம்  –  அமைதி

2. மகத்துவம் –  சிறப்பு

3. தாரணி  –  உலகம்

4. இரக்கம் – கருணை

குறுவினா 

1. இந்த உலகம் யாருக்கு உரியது? 

இந்த உலகம் சாந்தம் உடையவருக்கு உரியது.

2. உலகம் நிலைதடுமாறக் காரணம் என்ன? 

இந்த உலகம் சாதிகளாலும் கருத்து வேறுபாடுகளாலும் நிலை தடுமாறுகிறது.

3. வாழ்க்கை மலர்ச்சோலையாக மாற என்ன செய்ய வேண்டும்?

மனிதன் நல்ல உள்ளத்தோடு வாழ்ந்தால் அவன் வாழ்க்கை மலர்ச்சோலையாக மாறிவிடும்.

சிறுவினா 

சாந்தம் பற்றி இயேசுகாவியம் கூறுவன யாவை?

1. சாந்தம் என்னும் அமைதியான பண்பு கொண்டவர்கள் பேறு பெற்றவர்கள். இந்த உலகம் முழுவதும் அவர்களுக்கே உரியது
2. அவர்களே தலைவர்கள் ஆவர் என்ற உண்மையை இயேசுநாதர் கூறினார்
3. மனித வாழ்க்கையில் தேவைப்படுவது பொறுமை
4. அது மண்ணையும் விண்ணையும் ஆட்சி செய்யும் பெருமையுடையது என்றார்.

சிந்தனை வினா 

எல்லா மக்களும் ஒற்றுமையாக வாழ என்ன செய்ய வேண்டும்?

1. அன்பு அருள் இரக்கம் என்ற மூன்று கொள்கைகளைக் கடைப்பிடிக்க வேண்டும்.
2. கடமை, கண்ணியம், கட்டுப்பாட்டுடன் நடந்து கொள்ள வேண்டும்
3. சுதந்திரம், சமத்துவம், சகோதரத்துவம் என்ற சிந்தனைகளை உயர்த்திப் பிடிக்க வேண்டும்.
4. அனைவரிடமும் நல்லிணக்கத்தைப் பேண வேண்டும்.
5. தேசிய விழாக்களைச் சிறப்பாகக் கொண்டாட வேண்டும்
6. தேசத் தலைவர்களை மதித்துப் போற்ற வேண்டும்
7. தேசப்பற்றை ஊட்டி வளர்க்க வேண்டும்.
8. தனக்கென வாழாமல் பிறருக்காக வாழும் தமிழர் அறத்தைப் பின்பற்ற வேண்டும்.
9. ஒற்றுமை உணர்வையும் ஒருமைப்பாட்டு உணர்வையும் வளர்க்க வேண்டும்.

கற்பவை கற்றபின்

இயேசுவின் வாழ்வில் நடந்த சுவையான நிகழ்வு ஒன்றினை அறிந்து வந்து வகுப்பறையில் பகிர்க.

திருக்குறள் இயல் 8

சரியான விடையைத் தேர்ந்தெடுத்து எழுதுக. 

1. __________ ஒரு நாட்டின் அரணன்று. 

அ) காடு  

ஆ) வயல் 

இ) மலை  

ஈ) தெளிந்த நீர்

2. மக்கள் அனைவரும் __________ ஒத்த இயல்புடையவர்கள். 

அ) பிறப்பால்  

ஆ) நிறத்தால் 

இ) குணத்தால்  

ஈ) பணத்தால்

3. ‘ நாடென்ப’ என்னும் மசொல்லைப் பிரித்து எழுதக் கிடைப்பது_________. 

 அ) நான் + என்ப 

ஆ) நா + டென்ப 

இ) நாடு + என்ப 

ஈ) நாடு + டென்ப 

4. கண் + இல்லது என்பதனைச் சேர்த்தெழுதக் கிடைக்கும் மசொல் _________. 

அ) கணிஇல்லது 

ஆ) கணில்லது  

இ) கண்ணில்லாது 

 ஈ) கண்ணில்லது

பின்வரும் குறட்பாக்களில் உவமையணி பயின்றுவரும் குறளைத் தேர்ந்தெடுத்து எழுதுக. 

1. பிறப்பொக்கும் எல்லா உயிர்க்கும் சிறப்பொவ்வா செய்தொழில் வேற்றுமை யான். 

2. வினையான் வினையாக்கிக் கோடல் நனைகவுள் யானையால் யானையாத் தற்று. 

3. கற்றார்முன் கற்ற செலச்சொல்லித் தாம்கற்ற மிக்காருள் மிக்க கொளல்.

குறுவினா 

1. ஒரு செயலைச் செய்ய எவற்றையெல்லாம் ஆராய வேண்டும்? 

வேண்டிய பொருள், ஏற்ற கருவி, தகுந்த காலம், மேற்கொள்ளும் செயலின் தன்மை, உரிய இடம் ஆகிய ஐந்தையும் ஐயம் தீர ஆராய்ந்து ஒரு செயலைச் செய்ய வேண்டும்.

2. ஒரு நாட்டுக்கு எவையெல்லாம் அரண்களாக அமையும்? 

தெளிந்த நீரம், நிலமும், மலையும், அழகிய நிழல் தரும் காடும் ஆகிய நான்கும் உள்ளதே அரணாகும்.

3. சிறந்த நாட்டின் இயல்புகளாக வள்ளுவர் கூறுவன யாவை?

பெரிய அளவில் முயற்சி இல்லாமல் வளம்தரும் நாடே சிறந்த நாடாகும்.

மணிநீரும் மண்ணும் மலையும் அணிநிழற் காடும் உடையது அரண்

உறுபசியும் ஓவாப் பிணியும் செறுபகையும் சேரா தியல்வது நாடு.

மொழியை ஆள்வோம்

அறிந்து பயன்படுத்துவோம்

சரியான வினாச்சொல்லை இட்டு நிரப்புக.

1. நெல்லையப்பர் கோவில் _______ உள்ளது?எங்கு
2. முதலாழவார்கள்_______பேர்?எத்தனை
3. _______ சொற்களைப் பேச வேண்டும்?எத்தகைய
4. அறநெறிச்சாரம் பாடலை எழுதியவர்________? யார்
5. அறநெறிச்சாரம் என்பதன் பொருள்________? யாது

பின்வரும் தொடரைப் படித்து வினாக்கள் எழுதுக.

பூங்கொடி தன் தோழியுடன் திங்கட்கிழமை காலையில் பேருந்தில் ஏறி பள்ளிக்குச் சென்றாள்.

எடுத்துக்காட்டு. பூங்கொடி பள்ளிக்கு எப்படிச் சென்றாள்?

1. பூங்கொடி யாருடன் பள்ளிக்குச் சென்றாள்?
2. பூங்கொடி என்ன கிழமையில் பள்ளிக்குச் சென்றாள்?
3. பூங்கொடி எப்போது பள்ளிக்குச் சென்றாள்?

தலைப்புச் செய்திகளை முழு சொற்றொடர்களாக எழுதுக.

எடுத்துக்காட்டு. தலைப்புச் செய்தி: தமிழகத்தில் வடகிழக்கு பருவமழை தொடக்கம்-வானிலை மையம் அறிவிப்பு.

தமிழகத்தில் வடகிழக்கு பருவமழை தொடங்கி உள்ளது என்று வானிலை மையம் அறிவித்துள்ளது.

சாலையில் கிடந்த பணத்தை உரியவரிடம் ஒப்படைத்த மாணவன்-மாவட்ட ஆட்சியர் பாராட்டு.

சாலையில் கிடந்த பணத்தை உரியவரிடம் ஒப்படைத்த மாணவனே மாவட்ட ஆட்சியர் பாராட்டினார்.

தமுக்கம் மைதானத்தில் புத்தகக் கண்காட்சி தொடக்கம் மக்கள்- ஆர்வத்துடன் வருகை

தமுக்கம் மைதானத்தில் புத்தக கண்காட்சி தொடங்கியதை அடுத்து மக்கள் ஆர்வத்துடன் வருகை புரிந்தனர்.

தேசிய அளவிலான கைப்பந்து போட்டி -தமிழக அணி வெற்றி.

தேசிய அளவிலான கைப்பந்து போட்டியில் தமிழக அணி வெற்றி பெற்றது

மாவட்ட அளவிலான அறிவியல் கண்காட்சி -ஏழாம் வகுப்பு மாணவி முதலிடம்

மாவட்ட அளவிலான அறிவியல் கண்காட்சியில் ஏழாம் வகுப்பு மாணவி முதலிடம் பிடித்தார்.

மாநில அளவிலான பேச்சுப் போட்டி- சென்னையில் இன்று தொடக்கம்

மாநில அளவிலான பேச்சு போட்டி சென்னையில் இன்று தொடங்குகிறது

கீழ்க்காணும் சொற்களை பெயர்ச் சொல்லாகவும் வினைச் சொல்லாகவும் பயன்படுத்தி தொடர்கள் உருவாக்குக

விதை-

விதைநெல் வாங்கினான்

சோளம் விதைத்தான்

கட்டு-

பணம் கட்டுக் கட்டாக அடுக்கி வைக்கப்பட்டிருக்கிறது

புத்தகங்களை ஒன்றாக அடுக்கிக் கட்டினாள்

படி-

கடைக்கு சென்று ஒரு படி அரிசி வாங்கி வா.

ஓரிடத்தில் அமர்ந்து நூலைப்படி

நிலவு-

நிலவு பிரகாசமாக ஒளிர்கிறது

வகுப்பில் அமைதி நிலவியது.

நாடு-

இந்தியா எனது தாய்நாடு ஆகும்

நான் எனது நாட்டை பெரிது நாடுகிறேன்

ஆடு-

எனது வீட்டில் நான்கு ஆடுகள் உள்ளன

பாடலுக்கு ஏற்ப ஆடினேன்.

கலைச்சொல் அறிவோம்

1. குறிக்கோள்-objective
2. செல்வம்-wealth
3. லட்சியம்-ambition
4. பொதுவுடமை-communism
5. கடமை-responsibility
6. அயலவர்-neighbour
7. வறுமை-poverty
8. ஒப்புரவு நெறி-reciprocity
9. நற்பண்பு-courtesy

அணியிலக்கணம் இயல் 8

குறுவினா

உருவக அணியை விளக்குக

உவமை வேறு உவமிக்கப்படும் பொருள் வேறு என்று இல்லாமல் இரண்டும் ஒன்றே என்பது தோன்றும்படி கூறுவது உருவக அணியாகும்.

எடுத்துக்காட்டு:

வையம் தகளியா வார்கடலே நெய்யாக 

வெய்ய கதிரோன் விளக்காகச் -செய்ய சுடர் ஆழியான் அடிக்கே சூட்டினேன் சொல்மாலை 

இடராழி நீங்குகவே என்று.

இப்பாடலில் பூமி அகல்விளக்காகவும் கடல் நெய்யாகவும் கதிரவன் சுடராகவும் உருவகப் படுத்தப்பட்டுள்ளன. எனவே,

 இப்பாடல் உருவக அணி அமைந்ததாகும்.

உருவக அணிக்கும் ஏகதேச உருவக அணிக்கும் உள்ள வேறுபாடு யாது?

• உவமை வேறு உவமிக்கப்படும் பொருள் வேறு என்று இல்லாமல் இரண்டும் ஒன்றே என்பது தோன்றும்படி கூறுவது உருவக அணியாகும்.
• உருவகப் படுத்தப்படும் பொருள்களில் ஒன்றை உருவகப்படுத்தி மற்றொன்றை உருவகப் படுத்தாமல் விடுவது ஏகதேச உருவக அணி ஆகும்.

கற்பவை கற்றபின்

உவமைத் தொடர்களை எழுதி அவற்றை உருவகங்களாக மாற்றுக.

1. மலர் போன்ற முகம்-முகமலர்
2. தேன் போன்ற தமிழ்-தமிழ்த்தேன்
3. மலர் போன்ற பாதம்-பாதமலர்
4. தாமரை போன்ற முகம்-முகத் தாமரை
5. மதி போன்ற முகம்-முகமதி
6. கயல் போன்ற விழி-விழிக்கயல்
7. முத்துப் போன்ற வியர்வை-வியர்வை முத்து
8. முத்துப் போன்ற பல்-பல்முத்து
9. வெள்ளம் போன்ற இன்பம்-இன்பவெள்ளம்
10. கடல் போன்ற துன்பம்-துன்பக் கடல்.

புதுமை விளக்கு

சரியான விடையைத் தேர்ந்தெடுத்து எழுதுக. 

1. “இடர் ஆழி நீங்குகவே” – இத்தொடரில் அடிக்கோடிட்ட சொல்லின் பொருள்_____. 

அ) துன்பம்  

ஆ) மகிழ்ச்சி 

இ) ஆர்வம் 

ஈ) இன்பம்

2. ‘ஞானச்சுடர்’ என்னும் சொல்லைப் பிரித்து எழுதக் கிடைப்பது __________. 

அ) ஞான + சுடர் 

ஆ) ஞானச் + சுடர் 

இ) ஞானம் + சுடர் 

ஈ) ஞானி + சுடர்

3. இன்பு + உருகு என்பதனைச் சேர்த்தெழுதக் கிடைக்கும் சொல் _________. 

அ) இன்புஉருகு 

ஆ) இன்பும்உருகு 

இ) இன்புருகு  

ஈ) இன்பருகு

பொருத்துக.  

1. அன்பு  -தகளி      

2. ஆர்வம் -நெய் 

3. சிந்தை -இடுதிரி

4. ஞானம்  -விளக்கு

குறுவினா

1. பொய்கையாழ்வாரும்  அகல்விளக்காக எவற்றை உருவகப்படுத்துகின்றனர்?

பொய்கையாழ்வார் பூமி்யை அகல்விளக்காகவும், பூதத்தாழ்வார் அன்பையே அகல்விளக்காகவும் உருவகப்படுத்துகின்றார்

2. பொய்கை ஆழ்வார் எதற்காகப் பாமாலை சூட்டுகிறார்?

 பொய்கை ஆழ்வார் தனது துன்பக் கடல் நீங்க வேண்டிப் பாமாலை சூட்டுகிறார்.

சிறுவினா  

பூதத்தாழ்வார் ஞானவிளக்கு ஏற்றும் முறையை விளக்குக.

ஞானத்தமிழ் பயின்ற பூதத்தாழ்வார் அன்பையே அகல் விளக்காகவும் ஆர்வத்தையே நெய்யாகவும் இனிமையால் உருகும் மனத்தையே இடுதிரியாகவும் கொண்டு, ஞான ஒளியாகிய சுடர் விளக்கை மனமுருக திருமாலுக்கு ஏற்றினார்.

சிந்தனை வினா

பொய்கை ஆழ்வார் ஞானத்தை விளக்காக உருவகப்படுத்துகிறார். நீங்கள் எவற்றையெல்லாம் விளக்காக உருவகப்படுத்துவீர்கள்?

பொய்கை ஆழ்வாருக்கு ஞானம் விளக்காக இருக்கிறது.

எனக்கு, 

1. நான் கற்கும் கல்வியே விளக்கு.
2. கல்வி ஞானத்தைக் கற்பிக்கும் ஆசிரியர் எனக்கு விளக்கு.
3. அகிலம் காக்கும் அன்பு விளக்கு.
4. சச்சரவுகள் தீர்க்கும் சமத்துவம் விளக்கு.
5. உலகம் போற்றும் வாய்மை விளக்கு.
6. உன்னத நெறி ஒழுக்கம் விளக்கு.
7. வாழ்வுக்கு உரம் தரும் அறம் விளக்கு.

பன்னிரு ஆழ்வார்களின் பெயர்களைத் திரட்டுக.

1. பொய்கை ஆழ்வார் 
2. பூதத்தாழ்வார் 
3. பேயாழ்வார் 
4. திருமழிசை ஆழ்வார்
5. நம்மாழ்வார் 
6. மதுரகவியாழ்வார்
7. குலசேகர ஆழ்வார்
8. பெரியாழ்வார் 
9. ஆண்டாள் 
10. தொண்டரடிப்பொடி ஆழ்வார்
11. திருமங்கை ஆழ்வார்
12. திருப்பாணாழ்வார்

அணி இலக்கணம்

குறுவினா

1) உவமை, உவமேயம், உவம உருபு விளக்குக.

உவமை: ஒப்பிட்டுக் கூறப்படும் பொருள் 

உவமேயம்: உவமையால் விளக்கப்படும் பொருள்

உவம உருபு: 'போல' என்னும் பொருள் தரும் சொல் 

உவமை அணிக்கும் எடுத்துக்காட்டு உவமை அணிக்கும் இடையே உள்ள வேறுபாடு யாது?

உவமை அணி: உவமை, உவமேயம் ஆகிய இரண்டிற்கும் இடையே உவம உருபு வெளிப்படையாக வருவது உவமை அணி ஆகும்.

எடுத்துக்காட்டு உவமையணி: உவமை, உவமேயம் ஆகிய இரண்டிற்கும் இடையே உவம உருபு மறைந்து வருவது எடுத்துக்காட்டு உவமை அணி ஆகும்.

கற்பவை கற்றபின்

பின்வரும் தொடர்களில் உள்ள உவமை, உவமேயம், உவம உருபு ஆகியவற்றைக் கண்டறிந்து எழுதுக.

திருநெல்வேலிச் சீமையும் கவிகளும்

டி கே சி குறிப்பிடும் திருநெல்வேலிக் கவிஞர்கள் பற்றிய செய்திகளைத் தொகுத்து எழுதுக.

திருநெல்வேலிச் சீமையும் கவிகளும்

1. பாரதியார் எட்டையபுரத்தில் பிறந்தவர்.
2. கவிமணி தேசிக விநாயகனார் நாஞ்சில் நாட்டில் பிறந்தவர்.
3. வெங்கடேஸ்வர எட்டப்ப ராசாவைப் பற்றிப் பாடிய கடிகைமுத்துப் புலவரும் எட்டையபுரத்தில் பிறந்தவர்.
4. 'முக்கூடற்பள்ளு' சீவலப்பேரி உழவர்களின் வாழ்க்கையைப் பாடும் நூல் ஆகும்.
5. பலபட்டடைச் சொக்கநாதப் புலவர் நெல்லையப்பரைப் பற்றிப் பாடியுள்ளார்.
6. 'பிள்ளைப் பெருமாள்' என்னும் புலவர் ஸ்ரீவைகுண்டத்துப் பெருமாளைப் பற்றிப் பாடியுள்ளார்
7. ஆழ்வார்திருநகரியில் பிறந்த நம்மாழ்வார் 'திருவாய்மொழி'' பாடியுள்ளார்.
8. கொற்கைப் புலவர் 'முத்தொள்ளாயிரம்' பாடியுள்ளார்
9. நமச்சிவாயப் புலவர் காயல்பட்டணத்துச் சீதக்காதியைப் பற்றிப் பாடியுள்ளார்
10. அருணகிரிநாதர் திருச்செந்தூரில் 'திருப்புகழ்' பாடியுள்ளார்
11. அண்ணாமலையார் கழுகுமலையில் 'காவடிச்சிந்து' பாடியுள்ளார்
12. அழகிய சொக்கநாதர் சங்கரன்கோவில் அம்பாள் 'கோமதித் தாயைப்' பற்றிப் பாடியுள்ளார்
13. திருக்கருவை வெண்பா அந்தாதி, பதிற்றுப்பத்தந்தாதி, கலித்துறை அந்தாதி ஆகியவை கரிவலம்வந்தநல்லூர் பற்றிய நூல்கள் ஆகும்.
14. திருஞானசம்பந்தரும் மாணிக்கவாசகரும் 'குற்றாலம்' குறித்துப் பாடியுள்ளனர்.
15. திரிகூடராசப்பக் கவிராயர் 'குற்றாலக் குறவஞ்சி' பாடியுள்ளார்.

கற்பவை கற்றபின்

உங்களுக்குப் பிடித்த கவிதை ஒன்றைப்பற்றி வகுப்பறையில் கலந்துரையாடுக

நம்பிக்கை

வெள்ளைப் பூக்கள்

மணம் தரும்...

வண்ணப் பூக்கள்

நிறம் தரும்...

நிறமில்லை என்று 

வெள்ளைப் பூ

வாழ்வை வெறுப்பதில்லை...

மணமில்லை என்று

வண்ணப்பூ

வசைபாடுவதில்லை...

உன்னிடம் ஏதோ

ஒன்று உள்ளது...

நம்பிக்கை கொள்...

பூவாய்ப் பூக்கதான் பிறந்தாய்...

புன்னகையை ஏன் மறந்தாய்?

தவம்

கூட்டுப் புழுவின் தவம்

வண்ணச்சிறகிற்காக...

சிப்பியின் ரணம்

முத்திற்காக...

கரியின் செதுக்கல்

வைரத்திற்காக...

பொன்னின் உருகல்

சுடர் ஒளிக்காக...

உளியின் வலி

அழகு சிலைக்காக...

நீ மட்டும்

வலி பொறுக்காதது ஏன்???

விருந்தோம்பல்

சரியான விடையைத் தேர்ந்தெடுத்து எழுதுக

1) மரம் வளர்த்தால்_________பெறலாம்.

1. மாறி
2. மாரி
3. காரி
4. பாரி

2) நீருலையில் என்னும் சொல்லைப் பிரித்து எழுதக் கிடைப்பது_______

1. நீரு+உலையில்
2. நீர்+இலையில்
3. நீர்+உலையில்
4. நீரு+இலையில்

3) மாரி+ஒன்று என்பதனைச் சேர்த்தெழுதக் கிடைக்கும் சொல்

1. மாரியொன்று
2. மாரிஒன்று
3. மாரியின்று
4. மாரியன்று

குறுவினா

1) பாரி மகளிரின் பெயர்களை எழுதுக.

1. அங்கவை 
2. சங்கவை

2) 'பொருள் ஏதும் இல்லாத வீடுகளே இல்லை'-எவ்வாறு?

மழையின்றி வறட்சி நிலவிய காலத்திலும் பாரிமகளிர், பாணர்களுக்கு உலைநீரில் பொன் இட்டுத் தந்தனர். இதனால் 'பொருள் ஏதும் இல்லாத வீடுகளே இல்லை' எனலாம்.

3) தமிழர்களின் பிற பண்பாட்டுக் கூறுகளை எழுதுக.

1. ஈகை
2. வீரம்
3. வாய்மை
4. ஒழுக்கம்
5. வணிக அறம்
6. இல்வாழ்க்கை
7. நட்பு
8. கல்விச் சிறப்பு
9. செங்கோல் ஆட்சி
10. அறம் கூறு அவையம்

கற்பவை கற்றபின்

வள்ளல்கள் எழுவரின் பெயர்களைத் தொகுத்து எழுதுக

1. அதியமான்
2. பாரி
3. காரி
4. ஓரி
5. ஆய்
6. நள்ளி
7. பேகன்

விருந்தோம்பல் பண்பை விளக்கும் கதை ஒன்றை அறிந்து வந்து வகுப்பறையில் கூறுக.

விருந்தோம்பல்

ஒரு காட்டில் ஒரு மரத்தில் ஜோடிப் புறாக்கள் வாழ்ந்து வந்தன. அன்று பெய்த கடும் மழையில் பெண்புறா நனைந்து, கீழே விழுந்தது. மழையில் நனைந்து நடுங்கியவாறே அங்கு வந்த வேடன் பெண் புறாவைக் கையில் எடுத்துக் கொண்டான்.

ஆண்புறா, பெண்புறாவைத் தேடி அலைந்தது. ஆண்புறாவின் அழுகுரல் கேட்ட பெண்புறா, "நம்மிடம் அடைக்கலமாக வந்த வேடனுக்கு விருந்தளிப்பது நமது கடமை. அதனால் நான் வேடனுக்கு விருந்தாகப் போகிறேன். நீ வேறு ஒரு துணையைத் தேடிக் கொள்" என்றது. 

உடனே ஆண்புறா, வேடன் முன்பாக வந்தது. "எங்களிடம் அடைக்கலமாக வந்த உனக்கு உதவி செய்வது எங்கள் கடமை. உனக்கு என்ன உதவி வேண்டும்? கேள்" என்றது. வேடன்,"என்னுடைய குளிரைப் போக்க வேண்டும்" என்றான் . உடனே ஆண்புறா, விறகுக் குச்சிகளைக் கொண்டுவந்து போட்டது; நெருப்பைப் பற்ற வைத்தது; வேடனின் குளிரைப் போக்கியது. வேடனிடம் "வேறு என்ன வேண்டும்?" என்று ஆண்புறா கேட்டது. வேடன்,"எனக்குப் பசிக்கிறது" என்றான்.  உடனே ஆண்புறா, "விருந்தினரை உபசரிப்பது எங்கள் கடமை. எனவே, நான் இந்த நெருப்பில் விழுந்து உனக்கு உணவாகப் போகிறேன்" என்றது.  வேடன், இச்செயலைத் தடுக்க முயன்றான். அதற்குள் ஆண்புறா நெருப்பில் விழுந்தது. 

பறவைகளை வேட்டையாடி உண்ணும் வேடனான தனக்குப் புறாக்கள் செய்த உதவியை எண்ணினான்; மனம் வருந்தினான். இதனைப் பார்த்துக்கொண்டிருந்த பெண்புறாவும் நெருப்பில் விழுந்தது. மிகவும் மனம் வருந்திய வேடன் திருந்தினான்.